Preguntas frecuentes (FAQ)

Para utilizar Cl@ve Permanente, tes que seguir estes pasos:

• Realizar o trámite de rexistro en Cl@ve, e así obter un Código de Activación.
• Acceder ao servizo de activación de usuario que se atopa no portal A túa Seguridade Social ou na sede electrónica da seguridade, na sección Xestión de contrasinal, e completar os seguintes datos do usuario: DNI/NIE, Email, Código de Activación).
• Recibirás no móbil que facilitaches ao rexistrarte un código numérico de verificación (One Time Password, OTP) que deberás introducir para seguir co proceso de activación de usuario.
• Se completaches todos os datos correctamente, solicitaráseche que escribas o contrasinal desexado, sempre e cando cumpra a política de contrasinal definida nas observacións da páxina.
• Unha vez realizados todos estes pasos, xa poderás empezar a utilizar os servizos accesibles a través da autenticación de Cl@ve Permanente.

Para poder activar o teu usuario Cl@ve Permanente, solicitaráseche o número de DNI/NIE, o código de activación que che entregaron no acto de rexistro e o correo electrónico que facilitaches no antedito rexistro. Ademais, deberás ter a man o teléfono móbil que facilitaches no rexistro, ao que se enviará un SMS cun código numérico de verificación (OTP) que deberás introducir para poder, a seguir, indicar o contrasinal que prefiras e finalizar coa activación do teu usuario Cl@ve Permanente.

O contrasinal ten que cumprir unha serie de requisitos. Estes requisitos son:

• Lonxitude mínima de 8 caracteres.
• Conterá, como mínimo, un carácter de polo menos tres dos seguintes grupos: letras minúsculas, letras maiúsculas, díxitos e caracteres especiais (¡!$?%&#@/\()=¿?*[];,:._<>+-).
• Se o contrasinal ten unha lonxitude igual ou superior a 16 caracteres, non haberá restricións no tipo de caracteres que se poden empregar.
• Non conterá o nome, os apelidos nin o DNI/NIE.

Para poder utilizar o usuario/contrasinal de Cl@ve Permanente, antes tes que acceder a un servizo de administración electrónica que permita a autenticación mediante Cl@ve Permanente. Desde este servizo serás enviado a unha pantalla de Cl@ve na que poderás seleccionar a opción Cl@ve Permanente. Desde esta, chegarás a outra pantalla que che solicitará o teu usuario e contrasinal. De ser correcta a autenticación, daráseche acceso ao servizo.

Os servizos de activación de usuario e xestión de contrasinal poden utilizar o envío mediante SMS dun código numérico de verificación (One Time Password, OTP) 

Os servizos de activación de usuario e esquecemento de contrasinal solicitaranche o código de verificación como validación da autenticación do usuario. 

Os servizos de cambio de contrasinal e baixa de usuario solicitaranche o antedito código como confirmación da operación, é dicir, para terminar o servizo.

Por favor, comproba as seguintes situacións:

• Se estás utilizando unha tarxeta multiSIM, os envíos de SMS realízanse ao número principal, non aos secundarios. Comproba que estás rexistrado no teu terminal móbil co número correcto.
• Comproba que o teu operador non teña restrinxido o envío e/ou a recepción de SMS de números especiais.
• O problema pode ser a configuración do teu terminal móbil. Por favor, proba a inserir a túa tarxeta SIM noutro terminal. (no 90% dos casos, ao probar noutro teléfono recíbense todos os SMS pendentes de entregar).

O código de usuario non se pode esquecer, sempre será o teu DNI/NIE.

Se esqueciches o contrasinal, poderás establecer un novo sempre que conserves o código de activación. Para isto, deberás acceder ao servizo de esquecemento de contrasinal  e seguir os pasos alí indicados.

Non podes cambiar o código de usuario, xa que sempre será o teu DNI/NIE.

Para cambiar o teu contrasinal, tes que te autenticar no servizo de cambio de contrasinal e seguir os pasos descritos no antedito servizo.

A pregunta de seguridade utilízase para evitar ataques maliciosos mediante bots e así evitar que se rexistre a usuarios reais mediante ataques de forza bruta por outras persoas.

É posible que, por mor de problemas de comunicación, os datos facilitados no rexistro non estean inda dispoñibles para a activación do seu usuario. Por favor, intente acceder ao servizo de Activación de usuario pasadas 24 horas. Se volve ter problemas, póñase en contacto connosco a través dos seguintes medios:

• Por teléfono, chamando ao teléfono 060.
• Deixando unha mensaxe na nosa Caixa de correo de atención .

O importante é saber como realizaches o rexistro, se foi nunha oficina da Seguridade Social ou noutra oficina de rexistro de Cl@ve, xa que só os usuarios rexistrados en oficinas de Cl@ve poderán realizar estas operacións. 

Ainda así, a todos os usuarios rexistrados na Seguridade Social que non estean en Cl@ve se lles ofrecerá a migración a Cl@ve cando se autentiquen en calquera servizo da Seguridade Social, ou ao acceder ao portal A túa Seguridade Social.

Isto significa que te rexistraches na Seguridade Social antes da entrada de Cl@ve, polo que non deches o teu consentimento para utilizar en Cl@ve os datos que rexistraches na Seguridade Social. Para poder empregar todos os servizos dispoñibles en Cl@ve, tes que te incorporar a esta plataforma mediante o proceso de migración indicado.

O logotipo de Cl@ve aparece para indicar que o portal A túa Seguridade Social é accesible para os usuarios de Cl@ve, ademais de para os usuarios da Seguridade Social.

Se precisas axuda adicional para utilizar o sistema Cl@ve, pódela obter a través dos seguintes medios:

• Por teléfono, chamando ao teléfono 060.
• Deixando unha mensaxe na nosa Caixa de correo de atención .