accesskey_mod_conten
Bar separa corpo da cabeceira

Como funciona?

  1. 1

    Accede ao sistema

    Para usar os teus contrasinais de Cl@ve nun servizo de administración electrónica, só tes que premer a icona na pantalla de acceso ao servizo (no exemplo, o servizo de consulta de saldo de puntos e antecedentes da DXT).

    Nese momento, serás dirixido á pantalla de Cl@ve

  2. 2

    Selecciona o método de identificación

    Na pantalla de Cl@ve, atoparás un selector que che permitirá elixir o método de identificación entre aqueles que estean dispoñibles para o servizo en cuestión (lembra que só se permiten aqueles métodos que proporcionan un nivel de seguridade no acceso igual ou superior ao que precisa o servizo).

    Recoñecerás aqueles métodos de identificación que non estean dispoñibles porque aparecerán en tons grises en lugar de en cor.

    Para seleccionar o método de identificación, fai clic en Acceder

  3. 3

    Identifícate

    Unha vez elixido o método para a identificación, serás dirixido por Cl@ve á pantalla de identificación. Esta pantalla é diferente segundo o método seleccionado.

    No caso de que utilices a Cl@ve ocasional (Cl@ve PIN), aparecerá a seguinte pantalla:

    Podes consultar máis información sobre a Cl@ve ocasional (Cl@ve PIN) na seguinte ligazón Cl@ve PIN

    Se elixes utilizar a Cl@ve permanente, aparecerá esta outra:

    Podes consultar máis información sobre a Cl@ve permanente na seguinte ligazón Cl@ve permanente

    Tamén podes elixir identificarte co teu DNI-e ou certificado electrónico. Nese caso, verás unha pantalla diferente, que dependerá do navegador que esteas a utilizar. Ademais, se tes varios certificados electrónicos instalados, o sistema preguntarache cal deles queres usar.

     

    Pantallas navegadores acceso identificación

  4. 4

    Regresa ao servizo de Administración Electrónica

    Unha vez identificado correctamente utilizando o método elixido, serás dirixido automaticamente por Cl@ve ao servizo de administración electrónica ao que queres acceder (seguindo co exemplo, ao servizo de consulta de saldo de puntos e antecedentes da DXT).