Maiz egiten diren galderak (FAQs)

Cl@ve iraunkorra erabiltzeko, honako urratsak eman beharko dituzu:

• Cl@ve sisteman izena eman eta, honela, aktibazio-kode bat eskuratuko duzu.
• "Zure Gizarte Segurantza" atarian edo egoitza elektronikoaren segurtasunaren atalean, pasahitza kudeatzeko eremuan, erabiltzailea aktibatzeko zerbitzura sartu eta honako erabiltzaile-datuak bete: NAN/AIZ, helbide elektronikoa, aktibazio-kodea.
• Izena ematean adierazitako mugikorrean jasoko duzu egiaztapenerako zenbaki-kode bat (One Time Password, OTP) eta kode hori sartu beharko duzu erabiltzailearen aktibazio-prozesuarekin jarraitzeko.
• Dena behar bezala bete baduzu, nahi duzun pasahitza idazteko eskatuko zaizu, betiere orrialdearen oharretan adierazitako pasahitzentzako politika betetzen badu.
• Urrats guzti hauek burututa, Cl@ve iraunkorraren autentifikazio bidez erabilgarri dauden zerbitzu guztiak erabiltzen hasi ahalko zara.

Zure Cl@ve iraunkorraren erabiltzailea aktibatzeko zure NAN/AIZ zenbakia eskatuko zaizu, erregistroan eman zizuten aktibazio-kodea eta erregistro horretan adierazitako helbide elektronikoa. Gainera, hurbil eduki beharko duzu erregistroan adierazitako mugikorra, bertara bidaliko baitzaizu eskatuko zaizun egiaztapenerako zenbaki-kodea (OTP). Horren ondoren, nahi duzun pasahitza idazteko eskatuko zaizu eta zure Cl@ve iraunkorraren aktibazioa amaitzeari ekingo zaio.

Pasahitzak hainbat baldintza bete behar ditu: Baldintza horiek honakoak dira:

• Gutxienez ere 8 karaktere izatea.
• Gutxienez ere ondorengo talde bakoitzeko karaktere bat izatea: letra xeheak, letra larriak, zenbakiak eta karaktere bereziak (¡!$?%&#@/\()=¿?*[];,:._<>+-).
• Pasahitzak 16 karaktere edo gehiago baditu, ez da murrizketarik egongo erabili beharreko karaktere motei dagokienez.
• Pasahitzak ez du barne izango izena, abizenak edo NAN/AIZ.

Cl@ve iraunkorreko erabiltzailea/pasahitza erabiltzeko, lehenik Cl@ve iraunkorraren bidezko autentifikazioa eskatzen duen administrazio elektronikoko zerbitzura sartu behar duzu. Zerbitzu horrek Cl@ve sistemaren pantailara bideratuko zaitu eta bertan hautatu ahalko duzu Cl@ve iraunkorraren aukera. Aldi berean, zure erabiltzailea eta pasahitza eskatuko dizkizun beste pantaila batera eramango zaitu. Autentifikazioa zuzena bada, zerbitzura sartzea baimenduko zaizu.

Erabiltzailea aktibatzeko eta pasahitza kudeatzeko zerbitzuek SMS mezu bidez bidali ohi dute egiaztapenerako zenbaki-kode bat (One Time Password, OTP). 

Erabiltzailea aktibatzeko eta pasahitza ahaztutako kasuetarako zerbitzuek egiaztapen-kodea eskatuko dizute erabiltzailearen autentifikazioa berretsi ahal izateko. 

Pasahitza aldatzeko eta erabiltzaileari baja emateko zerbitzuek kode hori eskatuko dizute eragiketa berretsi ahal izateko, hau da, zerbitzua amaitzeko.

Mesedez, egiaztatu ondorengo egoerak:

• multiSIM txartel bat erabiltzen ari bazara, SMS mezuak zenbaki nagusira bidaliko dira, ez bigarren mailakoetara. Egiaztatu zure gailu mugikorrean zenbaki zuzenarekin erregistratu zarela.
• Egiaztatu zure telefonia-konpainiak zenbaki berezietatik datozen SMS mezuen bidalketa eta/edo jasotzea mugatuta ez izatea.
• Baliteke arazoa zure gailu mugikorraren konfigurazioan egotea. Mesedez, saia zaitez zure SIM txartela beste gailu batean sartzen. (Kasuen %90ean, beste telefono batean saiatzean, entregatzeke zeuden SMS guztiak jasotzen dira).

Erabiltzaile-kodea ezin da ahaztu, beti izango baita zure NAN/AIZ.

Pasahitza ahaztu baduzu, pasahitz berri bat ezarri ahalko duzu, betiere aktibazio-kodea gorde baduzu. Horretarako, sartu pasahitzaren ahazte kasuetarako zerbitzuan  eta jarraitu bertan adierazitako urratsei.

Ezin duzu erabiltzaile-kodea aldatu, beti izango baita zure NAN/AIZ.

Pasahitza aldatzeko, pasahitza aldatzeko zerbitzuan autentifikatu beharko zara eta bertan deskribatutako urratsak eman.

Segurtasun-galdera erabiltzen da bot bidezko asmo gaiztoko erasoak ekiditeko eta, hartara, beste pertsona batzuek indarrezko erasoen bidez benetako erabiltzaileak erregistratzea ekiditeko.

Baliteke komunikazio-arazoak direla eta erregistroan emandako datuak oraindik eskuragarri ez egotea zure erabiltzailea aktibatzeko. Mesedez, saiatu erabiltzailearen aktibazio-zerbitzura sartzen 24 orduren buruan. Berriz ere arazoak aurkitzen badituzu, jarri gurekin harremanetan honako bideren bat erabiliz:

• Telefonoz, 060 zenbakira deituz.
• Gure Arreta-postontzian  mezu bat utziz.

Garrantzitsuena da erregistroa nola egin zenuen jakitea: Gizarte Segurantzaren bulego batean edo Cl@ve-ren erregistro bulego batean. Izan ere, Cl@ve bulegoetan erregistratutako erabiltzaileek soilik burutu ahalko dituzte eragiketa horiek. 

Hala ere, Gizarte Segurantzan erregistratutako eta Cl@ve sisteman ez dauden erabiltzaile guztiei eskainiko zaie Cl@ve sistemara migrazioa Gizarte Segurantzaren edozein zerbitzura sartzeko autentifikazioa burutzean, edo Zure Gizarte Segurantza atarira sartzean.

Horrek esan nahi du Gizarte Segurantzan izena eman zenuela Cl@ve sistema abian jarri aurretik eta, beraz, ez duzu baimena eman Gizarte Segurantzan erregistratu zenituen datuak Cl@ve sisteman erabil daitezen. Cl@ve sisteman eskuragarri dauden zerbitzu guztiak erabili ahal izateko, plataforma honetara sartu behar duzu adierazitako migrazio-prozesuari jarraituz.

Cl@ve logotipoa agertzen da adierazteko Zure Gizarte Segurantza ataria erabilgarri dagoela Cl@ve sistemaren erabiltzaileentzat, Gizarte Segurantzako erabiltzaileez gain.

Cl@ve sistema erabiltzeko laguntza gehigarria behar baduzu, honako bideak erabiliz eska dezakezu:

• Telefonoz, 060 zenbakira deituz.
• Gure Arreta-postontzian  mezu bat utziz.