Podes usar os mecanismos de identificación previstos en Cl@ve en todos aqueles servizos de administración electrónica integrados no sistema. Os servizos integrados distínguense porque disporán, na pantalla de acceso aos mesmos, dun botón similar á seguinte simboloxía que che redirixirá ao sistema de autenticación Cl@ve:
IDENTIDADE ELECTRÓNICA PARA As ADMINISTRACIÓNS
Onde podo usar?
Actualmente, Cl@ve está dispoñible para todos os servizos electrónicos da Administración Xeral de Estado, en todas as Comunidades Autónomas e na maioría das Entidades Locais. Así, co sistema Cl@ve poderás, por exemplo, consultar o teu Cartafol Cidadán , presentar a túa declaración de Renda ou visualizar os teus datos fiscais, consultar a túa información clínica, os teus puntos da DXT, descargarche a vida laboral ou obter o certificado dixital COVID.
O sistema Cl@ve foi aprobado por Acordo do Consello de Ministros , na súa reunión do 19 de setembro de 2014, e as súas condicións de utilización son determinadas pola Dirección de Tecnoloxías da Información e as Comunicacións.
Cl@ve está conectada co nodo eIDAS, que permite o recoñecemento transfronteirizo de identidades electrónicas de acordo á lexislación europea. Podes consultar os sistemas notificados polos diferentes países nas seguintes ligazóns:
Lembra que para obter eses mecanismos de identificación e usalos en Cl@ve, é necesario rexistrarse previamente con algún dos procedementos previstos (podes ampliar esta información no apartado de Rexistro ).